زواج الاجانب وتثبيت الزواج في الدنمارك الشروط والخطوات:

زواج الأجانب في الدنمارك

 1.ماعندي تجربة شخصية، المعلومات جبتها من المواقع الرسمية المسؤولة عن الموضوع
2.الموضوع اخد مني جهد لحتى يكون دقيق قدر الامكان، ورح حدث المنشور بحال في معلومات او تفاصيل مو مكتوبة، اصحاب التجربة ممكن كمان يضيفوا معلومات ممكن تفيد العرسان اللي حابين يعملوا إجراءات الزواج بالدنمارك.)

من شهر يناير/كانون الثاني 2019 صار زواج الأجانب بالدنمارك يتم عن طريق تنين من المؤسسات الدنماركية.

الأولى : وكالة قانون/حقوق الاسرة بالدنمارك (Familieretshuset).
عليها رح يتم ارسال البيانات والوثائق وفيها رح يتم دراسة الطلب والموافقة عليه والدفع:
الخطوة بالكامل رح تكون اونلاين (التفاصيل بالاسفل)
الرسوم: 1650 كرون دنماركي ( حوالي 225 يورو )
 الإلكتروني: (متوفر أيضا باللغة الألمانية و الإنجليزية)
https://familieretshuset.dk/de
Tel: +45 72 56 70 00
E-Mail. proeve@familieretshuset.dk

التانية: وحدة من البلديات المحلية بالنرويج وبصير فيها (مراسم) الزواج وإعطاء شهادة الزواج، كمثال:
البلدية الحدودية مع ألمانيا (الإجراءات مجانية)
 Tønder Kommune
 الإلكتروني (متوفر أيضا باللغة الألمانية و الإنجليزية):
https://toender.dk/burger/heiraten/heiraten?language=de

الإجراءات :
أولا:
الدخول على الإلكتروني لوكالة قانون الاسرة.
اختيار الخيارات التالية (كل خيار بصفحة بالترتيب) :
1. Internationale Eheschliessungen
2. Sie oder Ihr partner sind KEIN dänischer oder skandinavischer Staatsbürger
3. Wir wollen in Dänemark heiraten - Fortsetzen
4. Antragsformular mit SMS-Login

اكتب رقم موبايلك مع الكود الدولي (لألمانيا: +49) وإضغط على
Senden Sir mir bitte den Code
رح تجيك رسالة فيها رمز، ادخل هل رمز بالمكان المخصص.
بعدها رح تبدأ مرحلة إدخال بيانات الشريكين والدفع.
بعد ما تجي الموافقة رح تكون الرخصة صالحة لمدة 4 شهور، لو ما تم الزواج خلالن، لازم تنعاد الإجراءات والدفع من اول وجديد.
دراسة الملف ممكن تاخد عدة اسابيع (من 1 إلى 3 اسابيع بالمتوسط).
بحال الشك انو الزواج وهمي (مثلا بهدف الاقامة/الجنسية.. الخ) حولي 10% من الطلبات ممكن ينطلب اصحابها لمقابلة شخصية بمدينة أودنسه قبل الموافقة على الطلب.
الوثائق المطلوبة (ممكن بدون اي مستند سوري) :
صورة عن كل صفحات الجواز (متضمنة الغلاف الاماني والخلفي) ، سواء السوري او وثيقة السفر للاجئين.
صورة عن بطاقة الاقامة الألمانية (من الوجهين) او الإقامة المطبوعة على جواز السفر.
تسجيل السكن Meldebescheinigung.
ورقة اثبات العزوبية Ledigkeitsbescheinigung وبتطلع من ال Standesamt او البلدية.
وللي سبق وتزوجو من قبل، بتنطلب وراق تانية متل ورقة اثبات الطلاق او شهادة الوفاة للشريك/ة السابق/ة.
صور المستندات لازم تكون بصيغة pdf وتكون واضحة وبالألوان.
بحال كان في وثيقة مترجمة، لازم تتصور الوراق الاصلية (بالعربي مثلا) والاختام والترجمة.

ثانيا: حجز موعد للزواج بإحدى البلديات.
أثناء تعباية البيانات بوكالة قانون الأسرة لازم تختار/ي البلدية اللي حابين يتم فيها الزواح، وبعد ما يتم الموافقة من الوكالة، رح ترسل الوكالة ردها الك وللبلدية المختارة منك عن طريق الايميل.
بعدها بتتوجه لموقع البلدية الالكتروني لحجز موعد.
مثلا في بلدية توندر على الرابط التالي:
https://toender.dk/borger/terminwunsch-trauung
بعد يومين او تلاتة بيجي الرد بالموافقة او الرفض بحال كان الموعد غير متوفر.
لازم الشريكين يجو بشكل شخصي لمبنى البلدية (الوكالة غير مسموحة) مع الأوراق الاصلية اللي تحصلوا من خلالهم على الموافقة و تقديمها، غالب البلديات بتشترط القدوم قبل بيوم واحد على الأقل من تاريخ الزواج للتسجيل وتسليمن المستندات الأصلية (لازم الانتباه للتعليمات بهل خصوص)
ممكن للعريسين يجيبوا للموعد ان حبو شاهدين معن، ان كان جيبان الشهود غير ممكن، البلدية بتوفر الشهود (بشكل مجاني). وبعدها بنفس اليوم بينعطا نسختين عن شهادة الزواج مكتوبة بخمس لغات (ممكن طلب نسخ اضافية برسوم اضافية)

التكاليف الإجمالية:
حوالي 225 يورو لوكالة قانون الأسرة.
تذاكر السفر للدنمارك.
الحجز بالفندق (لانو الاقامة رح تكون على الاقل ليومين، يوم لتقديم الوراق، ويوم لاتمام إجراءات الزواج).
مستلزمات المعيشة/الرفاهية.

في شركات خاصة ممكن تقدم خدمات اضافية، وتنوب عنكن بتقديم المستندات وبإصدار الموافقة من وكالة الاسرة، مقابل اجر مادي.